DİQQƏT! DİQQƏT! Hörmətli İstifadəçilər!MÜƏLLİF HÜQUQLARI QORUNUR!Bloq yazarının İCAZƏSİ olmadan, bloqdakı materiallar elektron və ya kağız üzərində ÇOXALDILA BİLMƏZ! Həmçinin bloqdakı materiallardan KOMMERSİYA məqsədi ilə istifadə edilə BİLMƏZ!Materialların şəkillərinin çəkilərək paylaşılması QADAĞANDIR!

11 Temmuz 2017 Salı

Dərs -40 Fəal dərsin mərhələləri və nəticələri

Dərs -40 Fəal dərsin mərhələləri və nəticələri 
Nəhayət dərsin bütün mərhələləri, qanunlar ilə bağlı olan dərslərimiz yekunlaşır. Bu dərslərdə nəzəriyyə ilə yanaşı mərhələlərin düzgün  tətbiqi qaydaları da var idi. Əlavə materialların izahı üçün hələ dərslərim davam edəcək. Əziz dinləyicilər dinləməyə davam edin. Paylaşımlar gec ola bilər. Bu mənim digər işlərim və vaxtımın az olması ilə bağlıdır. Məlum tək işim bu deyil.  Haqsız tənqid yazan, haqsız unlike edən "insan" lara rəğmən sevimli , əməyə sayğı və dəyər verən insanlar məni daim motiv edir. Azsaylılar mənim bu motivimi məhv edə bilməyəcəklər. Sizin üçün, rahatlıqla metodikanı mənimsəyə bilməniz üçün, dərslərinizdə düzgün şəkildə tətbiqini icra edə bilməniz üçün, heç kimin yanında gözü kölgəli olmamanız üçün, övladlarımızın gələcəyi üçün, metodikanın düzgün tətbiqi ilə onların şəxsiyyət kimi yetişməsinə şərait yaratmaq üçün bu işimə davam edəcəm.  Bu balaca fidanlarımız üçün edə biləcəyim xırda bir yaxşılıqdır. Əlimdə imkan olsa bundan artığını edərəm. Amma hələki gücüm tək buna çatır.  Xahiş edirəm əziz müəllimlər və müəllim olmağa hazırlaşan gənclər dərslərdə metodikanın düzgün tətbiqini icra edin. Bütün qarşıya qoymuş olduğum məqsədlərə çatdıqdan sonra yeni videolarla gələcəm. Bu videolar standartların açılmasına xidmət edəcək. Sadəcə standartların yenilənməsi və təkmilləşməsi üzərində iş aparılır deyə hələ əmək sərf etmək istəmirəm
Ayrıca bir məsələyə toxunmaq istəyirəm. Dərslərimi dinləyib kommersiya məqsədi ilə istifadə edənlərdən xəbərim var. Eybi yox elm öyrətmək pis deyil, öyrədim pul qazanmaq da pis deyil. Hələ kapitalist ölkədə yaşayırıqsa heç pis deyil..Amma xahişim var. Əgər edirsə bilmədiyi informasiyanı auditoriyaya səhv ötürməsin. Və ya bilmədiyini ümumiyyətlə səsləndirməsin. Hələ bilmədiyini səhv deyib, adımdan da istifadə etməsin. Ayıbdır. Bacarır etsin bacarmır sussun. Gələcəyimizi pul qazanmaq xatirinə məhv etməyin. Kurikulum onsuzda təhsildə olan boşluqlar səbəbi ilə hələ tam yerinə otura bilmir. Bir az da siz pul qazanmaq istəyənlər məhv etməyin.

Müəlliflərin fikirləri : 10-cu sinif Ümumi tarix dərsliyi haqqında

Müəlliflərin fikirləri:

Aydın Allahverdiyev dərsliklər haqqında:
Salam hörmətli Dostlar! Əvvəla, hər birinizin Müqəddəs Ramazan bayramlnlz mübarək! Mən, əziz dostum Təvəkkül Əliyevlə birlikdə hələ 2001-ci ildə (təhsilimizin "Kurikulum" adlanan yeni paradiqmasının qəbulundan 7 il əvvəl və bu paradiqmanın əksər tələblərinə indi də cavab verən) beynəlxalq ekspertlərin müsbət qiymətləndirdiyi ilk alternativ tarix dərsliyi komplektini (Orta əsrlər 7-ci sinif) hazırlayanlardan biri, "Test tərtibinin bəzi elmi pedaqoji prinsipləri", "Kiçik yaşlı məktəblilər üçün tarix dərslikləri və 9-10 yaşlı uşaqların inkişafının psixoloji xüsusiyyətləri" və s. kimi 10-dan artıq elmi-pedaqoji və publisistik məqaləni, o cümlədən "Qazilər marşı"nı yazmış, 2013-cü ildə “Ən yaxşı müəllim” müsabiqəsinin qalibi olmuş və hörmətli Kamran Əsədovun təbirincə desək, tarixi tədris etməyi və yazmağı öyrənməyə ehtiyacı olan (zira, müdriklər: “Yüz il yaşa, yüz il öyrən!”- deyiblər) "məğlublardan" biriyəm. Əziz dostlar, məni bu polemikaya qoşulmağa vadar edən səbəb, sosial şəbəkələrdə Roma Papasından daha çox katolik olmaq iddiasına düşənlərin guya, TN-də dərsliklərin ədalətli və obyektiv ekspertizasının keçirildiyi barədə gurultulu ibarələri və hörmətli Kamran Əsədovun dərsliyi keçməyən müəlliflər barədə qeyri-korrekt ifadələridir. Atalar: “Haqsızlığa susmaq, haqsızlığa şərik olmaq, onunla razılaşmaq deməkdir!”- deyiblər. Bu səbəbdən mən də müzakirələrə qoşulub, bəzi məqamları diqqətinizə çatdırmaq istəyirəm. Əvvəla, ekspertiza peşəkar və obyektiv keçirilibsə, onda nə üçün məğlub olan dərsliklərlə bağlı ekspert rəyləri müəlliflərə verilmir? Nə üçün onlara öz mövqelərini əsaslandırmaları üçün şərait yaradılmır və onların ekspertlərlə görüşü təmin edilmir? Bu, Azərbaycan Respublikası Konstitusiyasının: “Hər kəsin istədiyi məlumatı qanuni yolla axtarmaq, əldə etmək, ötürmək, hazırlamaq və yaymaq hüququ vardır” (Maddə 50 b.1)-prinsipinə də ziddir. İkincisi, ortada olan dərsliklərin keyfiyyəti də ekspertlərin peşəkarlığına və obyektivliyinə kölgə salır. Tədris edən müəllimlər bilirlər ki, şagird nailiyyətlərini məzmun standartlarının tələblərinə uyğun ölçmək və qiymətləndirmək üçün ən yaxşı halda mövcud dərşliklərdən test tərtib etmək olur ki, bu da milyon manatlarla pul xərcləyib keçməkdə olduğumuz “Təfəkkür məktəbi”nin fəlsəfəsinə ziddir. Təsadüfi deyil ki, DİM-in sədri hörmətli M.Abbaszadə 04. 02. 2015-ci il tarixdə KİV-ə verdiyi müsahibələrin birində dərslikləri “dərdimiz” adlandıraraq, demişdi: “Müstəqillik dönəminə qədəm qoyan dövrlərdən bəri itirilmiş torpaqlarına, pozulmuş sərhədlərinə, qaçqın və köçkünlərinə, bir-birindən çətin və keçilməz ictimai-siyasi problemlərinə, hərbi, iqtisadi, sosial sahədə yaşanan həlli vacib məsələlərə başı qarışan məmləkətimizdə, necəsə, nəzər-diqqətdən yayınıb, bir qrup dərslik (əslində isə pul və şöhrət- A.A.) həvəskarının, əksər hallarda öz peşəsini, Azərbaycan ədəbi dilinin norma və qaydalarını belə, lazımi səviyyədə bilməyən bəzi orta məktəb müəllimlərinin, təhsilə aidiyyatı olmayan digər peşə adamlarının əlinə keçən dərsliklərimizdir. Balalarımızın gələcəyini, dil və təfəkkür səviyyəsini təmin edəcək bu kitabların ağır durumu ilə bağlı bu günə qədər yazılıb deyilənləri, aparılan yoxlamalar zamanı üzə çıxan qüsur və səhvləri üst-üstə yığsaq, samballı bir kitabın ərsəyə gələcəyinin şahidi olacağıq.” Məncə, TN-nin keçirdiyi ekspertizanın “peşəkarlığı və obyektivliyi” barədə gurultulu iddalara bundan yaxşı cavab yoxdur. Baxmayaraq ki, dediklərimizi isbat etmək üçün əlavə fakt və arqumentlər də gətirə bilərik. Ən böyük təəssüf doğuran isə bilirsiniz nədir? Vəzifəsi insanları zülmət və cəhalət girdabından çıxarıb doğru yola yönəltmək olan ziyalıların bir qisminin riyakar ziyankarlara çevrilib, ümummilli və ictimai maraqları merkantil maraqlara qurban verməsidir. Coox təəssüf və çox ayıb!!! 

Aydın Allahverdiyev

Hamlet Əliyev dərsliklər haqqında:
Son nöqtə dəyirmi masa ola bilər... .......Əfsuslar olsun ki, normal dərslik yaza bilməyib məğlub olan müəlliflər məğlubiyyəti həzm edə bilməyib kin-küdrətlərini, hirs və qəzəblərini boğa bilmirlər. Təbii ki, əks tərəfdə duran layihə iştirakçılarına qarşı qərəzsiz mövqe sərgiləmək, obyektivliyi, ədaləti qoruyub saxlamaq çətindir......... Bu sözləri müstəqil təhsil eksperti kimi fəaliyyət göstərən, eyni zamanda Təhsil Nazirliyinin keçirdiyi dərsliklərin hazırlanması tenderində “Azərbaycan və Ümumi tarix” dərsliklərinin müəlliflərindən biri Kamran Əsədovun mətbuatda tez-tez səsləndirdiyi fikirləridir. İlk olaraq onu qeyd edim ki, Ümumi tarix dərsliyi üzrə tender iki dərsliklə deyil üç dərsliklə təmsil olunmuşdur. Tenderin haqsız nəticəsi ilə (Ümumi tarixi nəzərdə tuturam) ilk olaraq biz (Müəlliflər: Hamlet Əliyev, Aydın Allahverdiyev, Şəhla Quliyeva, Leyla Bayramova və Rüfət Rzayev) narazı olduğumuzu bəyan etdik. Nazirliyə qəbul edilmiş dərsliyin şərtlərə uyğun olmadığını məlumatlandırdıq, sosial şəbəkədə tarix müəllimləri ilə bu məsələni birlikdə müzakirə etdik. Son zamanlar mətbuatda iki dərslik müəllifləri arasında kəskin polemika gedir. Rəqiblər bir-birlərini təhqir etməkdən belə çəkinmirlər. Hörmətli kolleqalarımı səbrli davranıb yalnız elmi müstəvidə mübahisə aparılmasını rica edirəm. Bəzən dərslik qalır kənarda şəxsi münasibətlər qabardılır. Sözü olan dərsliklə bağlı bildirsin, dərsliyə aid irad və təkliflər etsin. Hər-halda şəxsi hücuma məruz qalan özünü müdafiə etmək üçün rəqibi nümunəsində hücum edəcəkdir. Bir sözlə əziz həmkarlarım özümüzü güldürməyək.....Dərslikə bağlı olan nöqsanları müzakirə edirik.....başqa təkliflərlə çıxış edənlərin sözü eşidilmir..... Gələk Kamran müəllimin sözlərinə...... Kamran müəllim məğlubiyyəti həzm edə bilməyənlərə qeyri-obyektiv olduqlarını yazır. Ədalətli olmadıqlarını, qərəzli olduqlarını bildirir. Ümumi tarix üzrə tenderdə iştirak edərək “məğlub” olmuş komandalardan biri də bizik. Xüsusi qeyd edim ki, bizim komanda “plaqiatlıqla” hücuma keçən tarixçi-alimlərin fikirlərini bölüşmür. Kamran müəllim yazılarında bildirir ki, ən layiqli, standartlara tam cavab verən onların dərsliyidir. Hörmətli oxuculara bildirim ki, Ümumi tarix üzrə tenderdə hər 3 dərslik mümkün olan balı toplamayıb, bir sözlə hər 3 dərslik “məğlubdur”. Sadəcə ekspertlərin rəyinə görə Kamran müəllimində müəllifi olduğu dərslik üstün sayılmış və bu səbəblə qəbul olunmuşdur. Bizdə olan məlumata görə ən çox bal toplamış ikinci dərslik isə bizim dərslik olmuşdur. Bu günə kimi nə üçün sözü gedən dərslik üstün olub müəmma doğurur. Hörmətli kolleqalar, bu yazını yazmağa vadar edən səbəblər Kamran müəllimin ehtiyatsız çıxışları , o cümlədən son günlərdə iki komanda arasında mətbuatda gedən dialoqdur. Belə təəssürat yaranır ki, guya tenderdə yalnız bu iki komanda iştirak etmişdir, üçüncü komandanın varlığı isə unudulub. Dostlar qəbul olunmuş 10-cu sinif dərsliyi, tendərdə məğlub olan Yaqub müəllimin komandasının dərsliyi ilə təxminən eyni ssenaridə yazılıb. İbtidai icma dövrvündən başlayaraq müəlliflər 19-əsrə kimi dövrü əhatə ediblər. Burada dərsliyin ayrı-ayrı paraqraflarında elmi səhvlərdən danışmırıq (təbii ki var və çoxdur). Qəbul olunmuş dərslik ümumi konsepsiyanı kobud pozmuşdur. Standartlar kapitalizmə qədərki dövrü əhatə etdiyi halda, dərslikdə kapitalizm dövrü də işıqlandırılmışdır. Halbu ki bu mövzular 11-ci sinifin məzmun standartlarına daxildir. Nədənsə ekspertlər bu boyda konsepsiya pozulmasını "görməmişlər". 6-9-cu siniflərdə artıq keçirilmiş mövzuların yenidən eyni ssenaridə yazılması hansı zərurətdən irəli gəlir? Belə çıxır ki, 6-cı sinif şagirdi 10-cu sinif dərsliyi ilə dərs keçə bilər. Konkret olaraq 10-cu sinif dərsliyi 6-7 və 8-ci siniflər üçün əlavə resurs kimi tərtib edilib. Hansı kurikulumdan danışmaq olar, hansı müasir dərslikdən danışmaq olar? Bu ənənəvi dərslikdir....Bizim hörmətli ekspertlər görünür özləri də sovet təhsilinin inhisarından yaxa qurtara bilməyiblər..... Tendr şərtləri var, qaydalar var.....Bu şərtləri ən çox pozan dərslik hansıdır? Bunu araşdırdınızmı? Yoxsa redaktə xarakterli yazılara görə, hərf səhvləri, texniki səhvlərə görəmi qalib seçdiniz? Yaxşı seçdiniz, qalibi elan etdiniz, o zaman nə üçün “məğlub” olanlara məğlubiyyətin səbəblərini, yəni rəyləri vermirsiz, nə üçün ekspertlərlə görüşdürmürsünüz? Azərbaycan tarixi fənni üzrə ekspert Talıb müəllim açıqlama gətirdi....Nə üçün Ümumi tarixlə bağlı belə açıqlamalar yoxdur? Kamran müəllim obyektivlik yalnız bu günə kimi dərslik siyasətində inhisarçı mövqe tutmuş Yaqub müəllimin komandasının tenderdən uzaqlaşdırılması deyil. Bəli əvvəlki kurikulum dərslikləri bərbad vəziyyətdədir.....inanıram ki, sizin dərslik də onların təklif etdiyindən daha yaxşı olub...lakin bu o dəmək deyildir ki, sizin dərslik ən yaxşısıdır....Dərsliyinizlə bağlı müəyyən qədər elmi səhvlər var, ancaq mən onları hələlik səsləndirməyəcəm, dərsliyiniz nəşr olunduqdan sonra bildirəcəm inşallah. Bu yazı sadəcə sizin yazılarınıza bir cavabdır....Ədalət müdafiəçisi və onun axtarışında olanlara isə məsləhətim bu işə son vermək üçün bir dəfəlik hər 3 komanda ilə birlikdə dəyirmi masa təşkil olunsun və hər kəsin qarşısında hansı komanda daha ədalətli olub bilinsin. Düşünürəm sizdə istəmərsiniz ki, sizin dərslik əvvəlkilər kimi bərbad dərslik statusu alsın...bu səbəblə dəyirmi masa hər kəsə bunu birdəfəlik isbat etmək üçün şans verər......Hər kəsi bu işə dəvət edirəm, ekspertləri, hər 3 dərslik müəlliflərini hünərli olub dəyirmi masanın təşkil olunması çağırışına qoşulmağa dəvət edirəm........

 İlin ən yaxşı müəllimi müsabiqəsinin qalibi müəllif Hamlet Əliyev

Leyla Bayramova dərsliklər haqqında:
Neçə gündür 10 cu sinif Ümumi tarix dərsliyi ilə bağlı müzakirələr davam edir. Dərslik müəllifləri dərsliklərini əsaslandıraraq üstün göstərmək naminə əlində olan hər hansı fürsətlərdən yararlanmağa çalışır. O dərslik müəllifləri ki, haqlı səbəblər belə tapıb ortalığa qoya bilmir. Təhsil Nazirliyinin dərslikləri qiymətləndirmək üçün təyin etdiyi ekspertlərin qiymətləndirmələrinə  görə Ümumi tarix dərslikləri arasında yüksək bal toplayıb meyarlara cavab verən dərslik olmayıb. Və ən son məqamda “çarəsiz qalıb” Kamran Əsədov və digərlərinin ( niyə Kamran Əsədovun adını çəkdim digərlərinin yox? Çünki dərslik məsələsi ilə bağlı mövzularda aqressiyalı və qərəzli şəkildə çıxış edir) dərsliyini seçməli olublar. Amma hansı üstünlüyünə görə?
Məsələ burasındadır ki, Aydın Allahverdiyev, Hamlet Əliyev, Şəhla Quliyeva, Rüfət Rzayevin, Leyla Bayramovanın müəllifi olduqları dərslik də yüksək bal toplayıb. Bəs “məğlub olmasına” səbəb nədir? Bununla bağlı açıqlanma verilmir. Və ya keçən dərsliyin üstünlüyü nə idi? Hansı meyara əsaslanaraq?
Təhsil eksperti Talıb Quliyev tərəfindən Yaqub müəllimin komandasının müəllifi olduqları dərsliyə açıqlama gətirildi. Hətta Talıb Quliyevib bu açıqlamasından sonra Kamran Əsədov sosial şəbəkədə daha da ürəklənib rəqiblərini təhqir edərək  son həftə ərzində dərslik tenderinqə məğlub olmuş, ortaya normal vəsait qoya bilməyən şəxslər və onların müdafiyəçiləri ictimaiyyət arasında Təhsil Nazirliyinin, müəlliflərin və bu dərslikləri yoxlayan ekspertlərin nüfuzuna xələl gətirəcək qərəzli, həqiqəti əks etdirməyən məlumatlar yaymaqdadırlar. Onların bütün iradlarının əsassız olduğu mən və bütün müəllif kollektivi tərəfindən dəfələrlə sübuta yetirildi. Hətta dərslik yaza bilməyib məğlub tərəflə bağlı Təhsil Nazirliyi rəsmi mövqeyini də bildirdi. Lakin bu da dərslik yaza bilməyənləri qane etmədi. “  ifadə işlətdi.
Neçə illik dərslik sahəsi üzrə bilik və bacarığa malik insanları təhqir etdi. Aydına Allahverdiyevin alternativ vəsaiti nə tez yaddan çıxdı ay Kamran müəllim?  Biz o vəsaitdən istifadə edən yetkinlər deyilikmi?  İndi nəyə və hansı meyara əsaslanaraq “qazanması” bəlli olmayan dərsliyinizə görə neçə illik dərslik təcrübəsinə malik insanları təhqir edirsiniz?
Bəlkə təhqir əvəzinə həmin “məğlub olan” rəqiblərə dərsliyinizin keçmə üstünlüklərini və digərlərinin keçməmə səbəblərinə açıqlama xahiş edəsiniz. O zaman obyektivliyinizdən söhbət gedə bilər. Əks halda bu müzakirə hələ çox davam edəcək. Bu sizi narahat etmirmi? Yoxsa əskinə reklamınız olur deyə sevinirsiniz?
Tələb olunan odur ki “məğlub olan” digər dərsliyin də keçməmə səbəbləri açıqlansın. Keçən dərsliyin isə üstünlükləri.......
Bu dərsliklər məktəblərə gedir və müəllimlər məcbur şəkildə bu dərsliklərdən istifadə edirlər. Onlar sosial şəbəkələrdə nə qədər fikri bildirsələr də ya əhəmiyyət verilmir, ya da dərslikləri analiz etmə ixtiyarı istifadə edən müəllimlərə verilmir. Onlar yerlərdə etirazlarını bildirən zaman isə hər şey üçün gec olur.
İşi zamanında həll etmək lazımdır.....
Bu gün əsas tələb standartlardır. Çox sayda ixtisas və ya qeyri ixtisas fənn müəllimləri və onların standartları üzərində iş aparan biri (mentor) olaraq demək istəyirəm ki, dərslik standartın tələbinə cavab verməlidir. Amma təəəsüflər olsun ki dəsrliklər hazırlanan zaman standartların tələbinə cavab vermir. “Tam əksinə deyirlər ki, standartı dərsliyə uyğunlaşdırın” Əzizlərim Əlinin papağı Vəlidə, Vəlinin papağı Əlidə dövrünə son qoyun. Standartın tələbinə uyğun dərsliyi məktəblərə yönəldin ki müəllimlər əziyyət çəkməsin.
Əgər təhsili düzəltmək istəyirsinizsə, təhsil qanunlarına əməl edin. Dərsliklərdə çox ciddi problem varki onların hamısını sadalaya bilməyəcəm amma ən vacibini nəzərinizə çatdıracam. 
 Bir neçə mənə məlum olan nümunələr yazacam.
 İbtidai sinif ( sinifi ya 2, ya da 3 dür ) Həyat bilgisi fənnində "üfüqün cəhətlərini təyin edir " deyə bir standart var. Amma bu standartı reallaşdıracaq mövzu yoxdur. Nəzərə alsaq ki, hələ "inqilab" səviyyəsində deyilik və yalnız əsas vasitə kimi dərsliyə istinad edirik deməli bu standartı reallaşdıracaq mövzu olmalıdır dərslikdə. ... Sonra dərslikdə "Milli mətbəximiz" mövzusu var. Hansı ki, heç bir standarta uyğun gəlmədən dərsliyə daxil edilib.
6cı sinifin Azərbaycan dili standartlarında " Müxtəlif yazı tiplərini fərqləndirir " standartı var. Amma həmin standartı reallaşdıracaq mövzu 6 cı sinifdə yoxdur, 10 cu sinifdə var. Nəzərə alsaq ki, 10 cu sinifdə də həmin standart var, deməli 6-cı sinif Azərbaycan dili dərsliyi də standart tələblərinə cavab vermir.
Əgər müəllimlərə standartları reallaşdırın tələbi qoyuruq sa, bir halda ki , imtahan da standartlara əsaslanaraq götürülürsə , dərsliklərdə standart əsas meyar olaraq götürülməlidir.
Eyni hal hazırda Təhsil Nazirliyinin üstün hesab edib qiymətləndirdiyi Ümumi tarix dərsliyində yaşanır. Standart kapitalizmə qədərki dövrü tələb etdiyi halda, dərslik kapitalizm dövrünü  əhatə edib. Görünən odur ki, 11-ci sinifdə müəllimin reallaşdırmalı olduğu standartı gətirib 10cu sinifdə reallaşdırmalıdır. Bəs şagirdin səviyyəsi? Öyrənmə gücü? 11-ci sinifdə şagird nə edəcək? Müəllim nə edəcək? 11-ci sinif dərsliyi nəyə əsasən hazırlanacaq? 11-ci sinif üçün yeni standartlarmı yaradılacaq? Hanısa dərslik səhv yazılıb deyə?! ..... hörmətli ekspertlər bunu niyə unudub? Və ya buna niyə açıqlama vermirlər?
Ən yaxşı müəllim müsabiqəsinin qalibi Leyla Bayramova

25 Haziran 2017 Pazar

27 Mayıs 2017 Cumartesi

Ümumi təhsil müəssisələrində müəllimlərin işə qəbulunun və yerdəyişməsi

Təhsil nazirinin səlahiyyətlərini müvəqqəti icra edən nazir müavini Ceyhun Bayramovun imzaladığı əmrə əsasən, 2017-2018-ci tədris ilinə ümumi təhsil müəssisələrinə müəllimlərin işə qəbulu və yerdəyişməsi üzrə müsabiqələr keçiriləcək.

Əmrə əsasən, Təhsil Nazirliyi sisteminə daxil olan ümumi təhsil müəssisələrində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi Qaydaları” təsdiq edilməli, peşə liseylərində ümumtəhsil fənləri üzrə vakant olan yerlərə müəllimlərin işə qəbulu bu əmr ilə təsdiq olunan qaydalar əsasında mərkəzləşdirilmiş imtahanda iştirak edərək müvafiq keçid balı toplamış şəxslər sırasından Peşə Təhsili üzrə Dövlət Agentliyi tərəfindən müsahibə yolu ilə aparılmalıdır.

Əmrdə bildirilib ki, 2017-2018-ci tədris ilində vakant yerlərə müsabiqədənkənar qaydada müəllimləri işə qəbul etmək hüququ olan ümumi təhsil müəssisələrinin siyahısı təsdiq edilməli, siyahıda adları çəkilən müəssisələrə müəllimlərin işə qəbulu Təhsil Nazirliyi ilə razılaşdırmaqla həyata keçirilməlidir.

Eyni zamanda, 2017-2018-ci tədris ilində ümumi təhsil müəssisələrinə müəllimlərin işə qəbulunun və yerdəyişməsinin keçirilməsi üçün apellyasiya komissiyasının tərkibi təsdiq edilməli, işə qəbul üzrə müsabiqənin keçirilməsi üçün müvafiq ixtisaslar üzrə test tapşırıqları hazırlanmalı, iyunun 5-dək ümumi təhsil müəssisələrində vakant müəllim yerlərinin toplanılması və təhlili təmin edilməlidir.

Əmrdə qeyd olunub ki, Təhsil Nazirliyi sisteminə daxil olan ümumi təhsil müəssisələrində müddətsiz müqavilə ilə işləyən müəllimlərin iş yerinin eyni rayon (şəhər) daxilində, bir rayondan (şəhərdən) digər rayona (şəhərə) yerdəyişməsi proqram təminatı tətbiq olunmaqla mayın 25-dən iyunun 15-dək, nazirliyin sisteminə daxil olan ümumi təhsil müəssisələrinə müəllimlərin işə qəbulu üzrə müsabiqə isə iyulun 1-dən 14-dək elektron ərizələrin qəbulu təşkil ediləcək.

Vakant yerlər barədə məlumatların ərazi maliyyə hesablaşma mərkəzləri ilə razılaşdırmaqla mayın 25-dək proqram təminatına daxil ediləcək. Müsabiqənin nəticələrinə əsasən iş yerini dəyişən və işə qəbul olunan müəllimlərlə əmək müqavilələri bu ilin sentyabr ayının 15-dək bağlanılacaq.

Nazirliyin keçirdiyi müsabiqənin nəticəsi olaraq iş yerini dəyişən və işə qəbul olunan müəllimlər, həmçinin mövcud vakant yerlər haqqında sentyabrın 20-dək Təhsil Nazirliyinə müəyyənləşdirilmiş formada məlumat təqdim edilməlidir.

14 Nisan 2017 Cuma

Təhsildə yenilikləri-Öyrənək, Öyrədək, İnkişaf edək! adlı kitabımızın təqdimatı keçirildi

Təhsildə yenilikləri -Öyrənək! Öyərədək! İnkişaf edək! adlı kitabımızın bu gün müzakirəsi həyata keçirildi. Vəsait Müəllimlərin və direktorların işə qəbulu və diaqnostik qiymətləndirmə üçün nəzərdə tutulmuşdur
Vəsaitdə məntiq, fənn kurikulumu, pedoqogika, idaəretmə mövzuları və hər mövzuya aid testlər, bölmə üzrə testlər və disk materialı verilmişdir.
Ümid edirik ki, təhsil işçiləri üçün faydalı bir vəsaitə çevrilər.

Kitabı əldə etmək üçün aşağıdakı əlaqə nömrələrini yığıb sifariş verə bilərsiniz
012 594 01 05
070 594 01 05
Digər kitablardan fərqi və üstünlüyü:
1. Bütün materialların istər idarəetmə, istərsə kurikulum və pedoqogikanın bir arada cəmləndiyi ilk vəsait 
2. Olduqca keyfiyyətli kağız avadanlığından istifadə 
3. Əlavə olaraq, video materiallar və eləcə də, metodika, pedoqogika və idarəetməyə aid elektron materiallar 

( disk )
4. Hər mövzudan sonra, mövzu üzrə möhkəmləndirilmənin təşkili üzrə qapalı və açıq testlər 
5. Sınaq xarakterli hər bölmənin sonunda bölmə üzrə testlər 

6. Hər fənn üzrə dərs nümunələri

7. Qəbullarda düşə biləcək məntiq testləri və s

13 Nisan 2017 Perşembe

Müəllimlərin və direktorların işə qəbulu üçün vəsaitimiz SATIŞDA


  •  Müəllimlərin işə qəbulu
  • Diaqnostik qiymətləndirmə
  • Yerdəyişmə imtahanları
  • Direktorların işə qəbulu 
  • Çox yararlı və lazımlı 343 səhifəlik vəsait.

Digər kitablardan fərqi və üstünlüyü:
1. Bütün materialların istər idarəetmə, istərsə kurikulum və pedoqogikanın bir arada cəmləndiyi ilk vəsait 
2. Olduqca keyfiyyətli kağız avadanlığından istifadə 
3. Əlavə olaraq, video materiallar və eləcə də, metodika, pedoqogika və idarəetməyə aid elektron materiallar 

( disk )
4. Hər mövzudan sonra, mövzu üzrə möhkəmləndirilmənin təşkili üzrə qapalı və açıq testlər 
5. Sınaq xarakterli hər bölmənin sonunda bölmə üzrə testlər 

6. Hər fənn üzrə dərs nümunələri
7. Qəbullarda düşə biləcək məntiq testləri və s

Kitabı əldə etmək üçün, şəkilin üstündəki nömrələrlə əlaqə saxlayıb sifariş verə bilərsiniz 

Regionlarda yaşayanlar, rayona çatdırılma varmı deyə narahat olmağa dəyməz. 
 Regionda tanınmış kitab magazininə yaxınlaşaraq, sifarişinizi və əlaqə nömrəsini verməyiniz kifayətdir. Onlar rayonlara kitabı gətirəcəklər 
Bizə dəstək verən hər kəsə öz təşəkkürümüzü bildiririk

Kitabı əldə etmək üçün aşağıdakı əlaqə nömrələrini yığıb sifariş verə bilərsiniz
012 594 01 05
070 594 01 05

9 Ocak 2017 Pazartesi

Qanlı Yanvar - Ssenari

Azərbaycan Respublikası Mədəniyyət və Turizim Nazirliyi  F. Köçərli adına Respublika Uşaq Kitabxanası Elmi Metodika Şöbəsi tərəfindən hazırlanmış 20 Yanvar faciəsinin ildönümünə həsr edilmiş ssenari
Ssenari PDF formatındadır. Aşağdakı yüklə düyməsinə sıxmaqla yükləyə bilərsiniz.
Ssenaridən istifadə edərək tədbirlərinizi təşkil edə bilərsiniz

1 Ocak 2017 Pazar

21 Aralık 2016 Çarşamba

10 Aralık 2016 Cumartesi

6 Aralık 2016 Salı

25 Kasım 2016 Cuma

13 Kasım 2016 Pazar

Tezliklə satışda

.
Kitabda aşağıdakı mövzular öz əksini tapmışdır:
- Kurikulum üzrə Müəllimlərin işə qəbulu və Diaqnostik qiymətləndirməsi 
* Mövzular 
* Mövzu üzrə testlər
* Dərs icmal nümunələri
* Video dərs nümunələri
* Vəsaitə əlavə disk
- Direktorların işə qəbulu və Məktəb İdarəetməsi
* Mövzular
* Mövzu üzrə testlər
Sifariş üçün 012 594 01 05, 070 594 01 05 nömrəsi ilə əlaqə saxlaya bilərsiniz.
Qiyməti 7 Azn


9 Kasım 2016 Çarşamba

6 Kasım 2016 Pazar

1 Kasım 2016 Salı

Milli Dirçəliş günü- Tədbir ssenarisi

Azərbaycan respublikası Mədəniyyət və Turizm Nazirliyi F.Köçərli adına Respublika Uşaq KitabxanasıElmi-Metodika Şöbəsi tərəfindən Milli Dirçəliş gününün 25-ci il dönümünə həsr edilmiş ssenari
Dəyişiklik və əalvələr etməklə məktbə tədbiri kimi təşkil etmək mümkündür.
Daim Müstəqil olaq!
İstifadəsi zamanı müəllifiyin qorunması tələb olunur.

30 Ekim 2016 Pazar

29 Ekim 2016 Cumartesi

İdarəetmə ilə bağlı suallar

1. Azərbaycan Respublikasının Konstitusiyası nə vaxt qəbul olunub?
a) 15 iyun 1993-cü ildə
b) 12 noyabr 1995-ci ildə
c) 27 noyabr 1997-ci ildə
2.Təhsil hüququ Konstitusiyanən hansı maddəsində nəzərdə tutulub ?
a) 48-ci maddəsi
b) 42-ci maddəsi
c ) 35-ci maddəsi
3. Rusdilli məktəblərdə rəsmi və vahid nümunəvi sənədlər hansı dildə tərtib edilir ?
a) Rus dilində
b) Həm rus , həm də Azərbaycan dilində
c ) yalnız Azərbaycan dilində
4. Müsahibə yolu ilə vəzifələrin tutulması zamanı əmək münasibətləri necə tənzimlənir ?
a) müvafiq vəzifəni tutmaq üçün elan olunmuş müsabiqənin qalibi ilə işəgötürən müəyyən edilmiş qaydada müddətli və ya müddətsiz əmək müqaviləsi bağlayır.
 b) müsabiqədən sonra qalib olan şəxslə işəgötürənin ixtisas komissiyasında söhbət aparılır və bu söhbətin nəticəsi olaraq işçi ilə müqavilə bağlanır.
c) müsabiqənin qalibi olan şəxslə 3 aylıq sınaq müddəti müəyyən edilməklə müqavilə bağlanır.
5. Əmək müqaviləsinin işçi tərəsindən ləğv edilməsi qaydası necədir ?
a) işçi bir təqvim ayı qabaqcadan işəgötürəni yazılı .rizəsi ilə xəbərdar etməklə əmək müqaviləsini ləğv edə bilər
b) işçi istədiyi vaxt işəgötürəni yazılı ərizəsi ilə xəbərdar etməklə əmək müqaviləsini ləğv edə bilər
c) işçi yalnız müqavilədə göstərilən müddətdə işəgötürəni yazılı ərizəsi ilə xəbərdar etməklə əmək müqaviləsini ləğv edə bilər
6. İşçi ərizədə göstərdiyi gün əmək müqaviləsini ləğv edə bilərmi ?
a) İşçi yaşa ,əlilliyə görə təqaüdə çıxdıqda, yeni yaşayış yerinə köçdükdə,seçkili vəzifəyə təyin edildikdə və ağır xəstəliyə tutulduqda ərizədə göstərdiyi gün əmək müqaviləsini ləğv edə bilər.
b) İşçi yaşa ,əlilliyə görə təqaüdə çıxdıqda. Təhsilini davam etdirdiyi üçün müvafiq təhsil müəssisəsinə daxil olduqda,yeni yaşayış yerinə köçdükdə , başqa işəgötürənlə əmək müqaviləsi bağladıqda , seksual qısnamaya məruz qaldıqda və qanun-vericilikdə nəzərdə tutulmuş digər hallarda ərizəsində göstərdiyi gün əmək müqaviləsini ləğv edə bilər.
c) İşçi yaşa ,əlilliyə görə təqaüdə çıxdıqda, yeni yaşayış yerinə köçdükdə və qanunvericilikdə nəzərdə tutulmuş digər hallarda ərizəsində göstərdiyi gün əmək müqaviləsini ləğv edə bilər.
7. Əmək müqaviləsini ləğv etmək barədə ərizə vermiş işçi xəbərdarlıq müddəti bitənədək istədiyi vaxt ərizəsini geri götürə və ya onu etibarsız hesab etmək barədə işəgötürənə yeni ərizə verə bilərmi ?
a) Əmək müqaviləsini ləğv etmək barədə ərizə vermiş işçi xəbərdarlıq müddəti bitənədək istədiyi vaxt ərizəsini geri götürə və ya etibarsız hesab etmək barədə işəgötürənə yeni ərizə verə bilər.Bu halda əmək müqaviləsi ləğv edilə bilməz.Bu şərtlə ki, işəgötürən həmin vəzifəyə ( peşəyə ) yeni işçinin götürülməsi barədə işçiyə rəsmi qaydada xəbərdarlıq etməmiş olsun.Əmək müqaviləsi bu maddə ilə müəyyən edilmiş qaydalara əməl olunmaqla ləğv edildikdən sonra işçinin əvvəlki ərizəsini geri götürmək və ya onu etibarsız hesab etmək barədə edilən müraciətin hüquqi qüvvəsi yoxdur.
b) Əmək müqaviləsini ləğv etmək barədə ərizə vermiş işçi xəbərdarlıq müddəti bitməyə 10 gün qalmış ərizəsini geri götürə və ya onu etibarsız hesab etmək barədə işəgötürənə yeni ərizə verə bilər. Bu halda əmək müqaviləsi ləğv edilə bilməz .Əmək müqaviləsi bu maddə ilə müəyyən edilmiş qaydalara əməl olunmaqla ləğv edildikdən sonra işçinin əvvəlki ərizəsini geri götürmək və ya onu etibarsız hesab etmək barədə edilən müraciətin hüquqi qüvvəsi yoxdur.
c) Əmək müqaviləsini ləğv etmək barədə ərizə vermiş işçi xəbərdarlıq müddəti bitməyə 1 gün qalmış ərizəsini geri götürə və ya onu etibarsız hesab etmək barədə işəgötürənə yeni ərizə verə bilər.  Bu  halda əmək  müqaviləsi ləğv  edilə  bilməz. Bu şərtlə ki , işəgötürən  həmin  vəzifəyə    ( peşəyə ) yeni işçinin götürülməsi barədə işçiyə rəsmi qaydada xəbərdarlıq etməmiş olsun.Əmək müqaviləsi bu maddə ilə müəyyən edilmiş qaydalara əməl olunmaqla ləğv edildikdən sonra işçinin əvvəlki ərizəsini geri götürmək və ya onu etibarsız hesab etmək barədə edilən müraciətin hüquqi qüvvəsi yoxdur.
8. Aşağıdakılardan hansı halda işəgötürənin təşəbbüsü ilə əmək müqaviləsinə xitam verilir ?
a) dövlət büdcəsindən maaliyyələşən müəssisənin işçisi çalışmanın yaş həddinə çatdıqda.
b) işçinin heç bir üzürlü səbəb olmadan 4 saat müddətində iş yerində olmaması
c) Əmək müqaviləsi müddətinin bitməsi .
9. Müddətli əmək müqaviləsinə xitam verilməsi qaydası necədir ?
a) Müddətli əmək müqaviləsinin son gününə 20 gün qalmış tərəflər bir-birini müqavilənin uzadılması ilə bağlı xəbərdar etməlidirlər,əks təqdirdə həmin müqavilə daha bir il müddətinə uzadılmış hesab edilir.
b) Müddətli əmək müqaviləsinin müddəti qurtardıqda müqaviləyə xitam verilir. Müddətli əmək müqaviləsində göstərilən müddət qurtardıqda əmək münasibətləri davam etdirilərsə və müddət bitdikdən sonrakı bir həftə ərzində tərəflərin heç biri müqaviləyə xitam verilməsini tələb etmirsə , həmin əmək müqaviləsi əvvəl müəyyən olunmuş müddətə uzadılmış hesab olunur.
c)  Müddətli əmək müqaviləsinin müddəti qurtardıqda müqaviləyə xitam verilir.Yalnız işəgötürən onu daha bir il müddətinə uzatmaq səlahiyyətinə malikdir.
10. Tərəflərin iradəsindən asılı olmayan hallarda əmək müqaviləsinə xitam verilməsinin əsasları hansılardır ?
a) əvvəllər həmin müəssisədə çalışan işçi müddətli həqiqi hərbi xidmətdən ehtiyata buraxıldıqdan sonra öz iş yerinə ( vəzifəsinə ) qayıtmaq hüququndan istifadə etdikdə.
b)  qanunvericiliklə daha uzun müddət müəyyən edilməyibsə , əmək qabiliyyətinin fasiləsiz olaraq dörd aydan çox müddətə tam itirilməsi ilə əlaqədar işçi əmək funksiyasını yerinə yetirə bilmədikdə.
c) işçi pensiya yaşına çatdıqda və işəgötürən onun işdə saxlanmasını lazım bilmədikdə.
11. Əmək müqaviləsinə xitam verilərkən işçilərin hansı təminatları var ?
a) Qanunvericiliklə müəyyən edilmiş qaydada müəssisənin ləğvi istisna olmaqla , işçinin müddətli həqiqi hərbi xidmətdə olduğu müddət ərzində mülkiyyət növündən və təşkilati-hüquqi formasından asılı olmayaraq müəssisədə iş yeri və vəzifəsi saxlanılır. Müddətli həqiqi hərbi xidmətə çağırılanadək müvafiq müəssisədə işləmiş şəxslər ,hərbi xidmətdən buraxıldıqdan ən geci 60 təqvim günü keçənədək həmin mküəssisdə əvvəlki və ya buna bənzər  vəzifəyə ( peşəyə ) qayıtmaq hüququna malikdir.
b) Əmək müqaviləsi bu Məcəllənin 70-cimaddəsinin " a” və " b " bəndləri ilə ləğv edilərkən işçilərə: orta aylıq əmək haqqının 2 misli həcmində işdənçıxarma müavinəti  və işdən çıxarıldığı gündən yeni işə düzələn günədək beçinci və altıncı aylar üçün əmək haqqı ödənilir.
c) İşçinin vəfatı ilə əlaqədar əmək müqaviləsinə xitam verildikdə isə vəfat etmiş vərəsələrinə orta aylıq əmək haqqının ən azı dörd misli miqdarında müavinət ödənilir.Əmək müqaviləsinə bu Məcəllənin 68-ci maddəsinin ikinci hissəsinin " ç " bəndi ilə xitam verildikdə , işəgötürən işçiyə orta aylıq əmək haqqının azı iki misli miqdarında müavinət ödəyir.
12.İşçilərin ixtisarı zamanı işdə saxlanmağa üstünlüyü olan  şəxslər kim hesab edilir ??
a) işəgötürən ixtisasları   ( peşələri ) və ya peşəkarlıq səviyyələri eyni olduqda həmin müəssisədə ən azı 10 il işləmiş şəxslərin işdə saxlanmasına üstünlük verir.
b) işəgötürən ixtisasları   ( peşələri ) və ya peşəkarlıq səviyyələri eyni olduqda öhdəsində 1-ci və ya 2-ci qrupəlil uşağı olanların işdə saxlanmasına üstünlük verir.
c) işəgötürən ixtisasları   ( peşələri ) və ya peşəkarlıq səviyyələri eyni olduqda öhdəsində iki və daha çox 16 yaşınadək uşağı olanların işdə saxlanmasına üstünlük verir.
13.Əmək müqaviləsinin ləğv olunması qadağan edilən işçilər və hallar hansılardır ?
a) işəgötürən tərəfindən  himayəsində üç yaşınadək uşağı olan kişilərin  əmək müqaviləsinin ləğv edilməsi qadağandır.
b) işəgötürən tərəfindən  hamilə , habelə üç yaşınadək uşağı olan qadınların əmək müqaviləsinin ləğv edilməsi qadağandır.
c) işəgötürən tərəfindən  yetkinlik yaşına çatmayan işçi ilə əmək müqaviləsinin ləğv edilməsi qadağandır.
14. Aşağıdakı  hallarda müddətli əmək müqaviləsinə xitam verilə bilərmi ?
a) işçi hamilədir və himayəsində üç yaşınadək uşağı var.
b) müddətli əmək müqaviləsinə xitam verilərkən işçi heç bir imtiyaza malik deyil.
c) yalnız şəkərli diabet xəstələri ilə müddətli əmək müqaviləsinə onlar sağalanadək xitam vermək olmaz.
15. Əmək müqaviləsinin ləğv edilməsi haqqında əmrin məzmununda nə göstərilə bilməz ?
a) Əmək müqaviləsinin ləğv edilməsinin əsası
b) işçinin iş fəaliyyətini xarakterizə edən hallar.
c)  Əmək müqaviləsinin ləğv edilməsi barədə əmrin ( sərəncamın , qərarın ) verilməsi üçün əsas hesab olunan rəsmi sənədlər .
16. Əmək müqaviləsinin sənədləşdirilməsinin uçotu qaydaları necədir ?
a) işəgötürən müqaviləyə dair verilmiş əmrləri xüsusi kitablara işləməli  və bu kitabları 10 il saxlamağa borcludur.
b) işəgötürən bağlanmış əmək müqavilələrini , onlara edilən dəyişiklikləri , bu müqavilələrlə əlaqədar verilmiş əmrləri ( sərəncamları , qərarları ) xüsusi kitab ( jurnal ) və ya kompüter vasitəsi ilə xüsusi proqramla uçotunun qeydiyyatını  aparmalıdır. Uçot kompüter vasitəsi ilə aparılmırsa ,
qeydiyyat kitabı səhifələnməli, qaytanmalı və kitabın son səhifəsindəki düyünü üzərinə müəssisənin möhürü vurulmalıdır.
c)  işəgötürən bağlanmış əmək müqavilələrini , onlara edilən dəyişiklikləri ,bu müqavilələrlə əlaqədar verilmiş əmrləri ( sərəncamları , qərarları ) xüsusi kitabla uçotunun qeydiyyatını aparmalıdır.
17. Əmək kitabçasında əvəzçilik üzrə əmək fəaliyyəti haqqında qeydlər aparılırmı ?
a)  əvəzçilik üzrə əmək fəaliyyəti haqqında əmək kitabçasında qeydlər əvəzçilik üzrə əmək müqaviləsinin surəti əsasında işçinin arzusu ilə əsas iş yerində aparılır.
b) əvəzçilik üzrə əmək fəaliyyəti haqqında əmək kitabçasında qeydlər aparılmır.
c) əvəzçilik üzrə əmək fəaliyyəti haqqında qeydlər ikinci əmək kitabçasında aparılır.
18. Əlavə iş yerində əvəzçiliklə işləyən işçilərin bu Məcəllə ilə müəyyən edilmiş məzuniyyətlərdən istifadə etmək hüququ varmı ?
a) işçilərin bu Məcəllə ilə müəyyən edilmiş məzuniyyət  hüququ və ondan istifadə qaydaları məhdudlaşdırıla bilməz..
b) əlavə iş yerində əvəzçiliklə işləyən işçilərin də bu Məcəllə ilə müəyyən edilmiş məzuniyyətlərdən istifadə etmək hüququ vardır.
c) əvəzçiliklə işləyən işçilərin məzuniyyət hüququ əlavə iş yerində təmin edilməlidir.  
19. Xüsusi təhsil müəssisələri istisna olmaqla , təhsil müəssisəsində pedaqoji iş aparmayan rəhbər işçilərə və inzibati - tədris heyəti işçilərinə , habelə məktəbdənkənar uşaq müəssisələrinin rəhbərlərinə ödənişli əsas məzuniyyət neçə təqvim günü müddətində verilməlidir?
a) 21 təqvim günü                        b) 42 təqvim günü                    c) 30 təqvim günü
20. Əmək stajına görə əlavə məzuniyyətlərin müddətləri və verilmə qaydası necədir ?
a) beş ildən on ilədək əmək syajı olduqda işçiyə - 4 təqvim günü , on ildən on beş ilədək əmək stajı olduqda- 6 təqvim günü, on beş ildən çox olduqda – 10 təqvim günü müddətində əlavə məzuniyyət verilir .
b) beş ildən on ilədək əmək syajı olduqda işçiyə - 2 təqvim günü , on ildən on beş ilədək əmək stajı olduqda - 4 təqvim günü, on beş ildən çox olduqda – 6 təqvim günü müddətində əlavə məzuniyyət verilir .                                                                                                                                             
c)  beş ildən on ilədək əmək syajı olduqda işçiyə - 3 təqvim günü , on ildən on beş ilədək əmək stajı olduqda - 5 təqvim günü, on beş ildən çox olduqda – 7 təqvim günü müddətində əlavə məzuniyyət verilir
21.Pedaqoji və elmi fəaliyyətlə məşğul olan hansı işçilərin əmək məzuniyyətlərinin müddəti 56 təqvim günüdür ?
a) illik normanın üçdə bir hissəsindən az olmamaqla pedaqoji iş aparan təhsil müəssisələrinin rəhbər və pedaqoji işçilərinin , tərbiyəçilərin , təlimatçıların , dərnək və musiqi rəhbərlərinin , konsertmeysterlərin, akkompaniatorların , xormeysterlərin  və başqa musiqi işçilərinin.
b)  ümumtəhsil internat məktəbləri , xüsusi məktəblər və xüsusi internat məktəblərinin tərbiyəçilərinin .
c)  elmi-tədqiqat müəssisələrinin , habelə ali təhsil müəssisələrinin elmi-tədqiqat bölmələrinin fəlsəfə doktoru elmi dərəcəsi olan əməkdaşlarına ,rəhbərlərinə və onların elmi işlər üzrə müavinlərinə , elmi katiblərinə.
22. Pedaqoji vəelmi fəaliyyətlə məşğul olan hansı işçilərin əmək məzuniyyətlərinin müddəti 42 təqvim günüdür ?
a) ümumtəhsil internat məktəbləri , xüsusi məktəblər və xüsusi internat məktəblərinin tərbiyəçilərinin.
b) təhsil müəssisələrinin tərbiyəçilərinə , ( ümumtəhsil internat məktəbləri , xüsusi məktəblər və xüsusi internat məktəblərinin tərbiyəçilərindən başqa ) eşitmə kabinetlərinin təlimatçılarının , dərnək rəhbərlərinin , hərbi rəhbərlərin, bədən tərbiyəsi rəjbərlərinin.
c) uşaq evlərini,məktəbəqədər uşaq tərbiyə müəssisələrinin rəhbər işçilərinin , tərbiyəçilərinin , musiqi rəhbərlərinin , praktik psixoloqların.
23. Yaradıcılıq məzuniyyətlərinin müddətləri nə qədərdir.?
a) işləməklə yanaşı doktoranturada təhsil alan ( o cümlədən doktoranturaya daxil olmaq üçün ) işçilərə hər tədris ilində  30 təqvim günü ödənişli məzuniyyət verilir.
b) dərsliklər və ya dərs vəsaitləri yazmaqla məşğul olan işçilərə müvafiq icra hakimiyyəti orqanının qərarı ilə və arayışı əsasında 1 ayadək ödənişli yaradıcılıq məzuniyyəti verilə bilər.
c)  fəlsəfə doktoru elmi dərəcəsi almaq üçün dissertasiya işini tamamlamaqdan ötrü üç təqvim ayınadək , elmlər doktoru elmi dərəcəsi almaq üçün dissertasiya işini tamamlamaq üçün isə iki ayadək ödənişli məzuniyyət verilə bilər.
24. Aşağıdakılardan hansı ödənişli təhsil məzuniyyəti deyil ?
a) müvafiq tədris mövsümü sessiyalarında tədris-təlimdə iştirak etmək,laboratoriya işlərini yerinə yetirmək,yoxlamaları və imtahanları vermək üçün  verilən məzuniyyət .
b) dövlət imtahanlarını vermək üçün verilən məzuniyyət .
c) dövlət imtahanlarına və diplom işini hazırlamaq üçün verilən məzuniyət
25. Təhsil məzuniyyətlərinin müddəti nə qədərdir ?
a) ali təhsil müəssisələrinin qiyabi şöbələrində oxuyan işçilərə laboratoriya işlərini yerinə yetirdikləri , yoxlama və imtahan verdikləri dövrdə hər tədris ilində birinci və ikinci kurslarda 20 təqvim günü , qalan kurslarda 30 təavim günü, orta ixtisas təhsili müəssisələrinin qiyabi şöbələrində oxuyan işçilərə isə birinci və ikinci kurslarda 10 təqvim günü , digər kurslarda 20 təqvim günü məzuniyyət verilir.
b) ali təhsil müəssisələrinin qiyabi şöbələrində oxuyan işçilərə laboratoriya işlərini yerinə yetirdikləri , yoxlama və imtahan verdikləri dövrdə hər tədris ilində birinci və ikinci kurslarda 30 təqvim günü , qalan kurslarda 40 təavim günü, orta ixtisas təhsili müəssisələrinin qiyabi şöbələrində oxuyan işçilərə isə birinci və ikinci kurslarda 20 təqvim günü , digər kurslarda 20 təqvim günü məzuniyyət verilir.
c) ) ali təhsil müəssisələrinin qiyabi şöbələrində oxuyan işçilərə laboratoriya işlərini yerinə yetirdikləri , yoxlama və imtahan verdikləri dövrdə hər tədris ilində birinci və ikinci kurslarda 30 təqvim günü , qalan kurslarda 40 təavim günü, orta ixtisas təhsili müəssisələrinin qiyabi şöbələrində oxuyan işçilərə isə birinci və ikinci kurslarda 40 təqvim günü , digər kurslarda 20 təqvim günü məzuniyyət verilir.
26. İşçilərin xahişi ilə verilən ödənişçiz məzuniyyətlərin müddətləri nə qədərdir ?
a) doktarantura təhsili alan işçilərə - 2 təqvim günü
b) arvadları doğuşla əlaqədar məzuniyyətdə olan kişilərə - 21 təqvim günü
c) ailə , məişət və başqa social məsələləri həll etmək üçün işçilərə - 7 təqvim gününədək.
27. Aşağıdakılardan hansı hallarda işçilərin iş yeri və orta əmək haqqı saxlanılır ?
a) müvafiq dövlət hakimiyyəti orqanlarının ictimai təşkilatların keçirdiyi forumlarda , müşavirələrdə , iclaslarda və digət tədbirlərdə iştirak etmək üçün işəgötürən tərəfindən və ya onun razılığı ilə cəlb olnduqda
b)  işəgötqrənin razılığı əsasında parlament seçkilərində namizəd kimi iştirak etdikdə.
c) işəgötürənin razılığı ilə beynəlxalq tədbirlərdə iştirak etmək üçün zəruri hazırlıqlar aparıldıqda.
28. Əmək və icra intizamının pozulmasına görə intizam məsuliyyəti və onun  növləri hansılardır ?
a) xəbərdarlıq etmək,töhmət vermək, kollektiv müqavilələrdə nəzərdə tutulmuşdurdsa ,aylıq əmək haqqının ¼ - i məbləğindən çox olmamaq şərti ilə cərimə etmək,əmək müqaviləsini bu Məcəllənin 70-ci maddəsinin " ç " bəndi ilə ləğv etmək.
b) töhmət vermək,sonuncu xəbərdarlıqla şiddətli töhmət vermək ,kollektiv müqavilələrdə nəzərdə nəzərdə tutulmuşdurdsa , aylıq əmək haqqının ¼ - i məbləğindən çox olmamaq şərti ilə cərimə etmək,əmək müqaviləsini bu Məcəllənin 70-ci maddəsinin " ç " bəndi ilə ləğv etmək
c)  töhmət vermək,sonuncu xəbərdarlıqla şiddətli töhmət vermək ,  aylıq əmək haqqının ¼ -i məbləğindən çox olmamaq şərti ilə cərimə etmək ,əmək müqaviləsini bu Məcəllənin 70-ci maddəsinin " ç " bəndi ilə ləğv etmək.
29. Uşaq hüquqlarını müdafiə edən orqanlar,birliklər və təşkilatlar hansıdır ?
a) Azərbaycan Respublikasında Uşaq hüquqlarının müdafiəsi məhkəmə , polis və prokurorluq orqanları , habelə Respublika uşaq birliyi və həmkarlar ittifaqı təşkilatları təmin etməlidirlər.
b) Azərbaycan Respublikasında Uşaq hüquqlarının müdafiəsini məktəblər,uşaq evləri ,internat evləri , məhkəmə və prokurorluq orqanları , habelə həmkarlar ittifaqı təşkilatları təmin etməlidirlər
v)  Azərbaycan Respublikasında Uşaq hüquqlarının müdafiəsini müvafiq icra hakimiyyəti , , məhkəmə və prokurorluq orqanları , bələdiyyələr , habelə ictimai birliklər , həmkarlar ittifaqı təşkilatları təmin etməlidirlər.
30. Uşaq neçə yaşına çatdıqda öz hüquqlarının müdafiəsi üçün şəxsən məhkəməyə müraciət edə bilər ?
a) 14                                    b) 16                                    c) 15
31. Sağlamlıq imkanları məhdud uşağa qulluq edən şəxslərə hansı güzəştlər verilir ?
a)  sağlamlıq imkanları məhdud 18 yaşınadək uşağa qulluq dövrü pensiya hüquiqu verən iş stajına daxil edilir.
b) sağlamlıq imkanları məhdud 18 yaşınadək uşağa qulluq dövrü pensiya hüquiqu verən iş stajına daxil edilir  və uşağa qulluq edən şəxsə Azərbaycan Respublikasının qanunvericiliyində müəyyən edilmiş müavinət ödənilir.
c) sağlamlıq imkanları məhdud 16yaşınadək uşağa qulluq dövrü pensiya hüquiqu verən iş stajına daxil edilir və uşağa qulluq edən şəxsə əmək haqqının bir misli məbləğində müavinət ödənilir.
32. Tam dövlət təminatında olan sağlamlıq imkanları məhdud şəxslər kimlərdir ?
a)  karlar, korlar , nitq qüsurları olanlar , dayaq-hərəkət aparatının funksiyaları pozulanlar , əqli cəhətdən geri qalanlar ( debuillər, imbisillər ) , emosional – iradi sahədə və davranışlarında nəzərə çarpan ağır pozuntular olanlar , psixi inkişafın ləngliyi ilə əlaqədar təlimdə çətinlik çəkənlər , mürəkkəb çatışmazlıqları olanlar .
b) karlar, korlar , nitq qüsurları olanlar , dayaq-hərəkət aparatının funksiyaları pozulanlar , əqli cəhətdən geri qalanlar ( debuillər, imbisillər ) , emosional – iradi sahədə və davranışlarında nəzərə çarpan ağır pozuntular olanlar , psixi inkişafın ləngliyi ilə əlaqədar təlimdə çətinlik çəkənlər
c)  karlar və zəif eşidənlər , korlar və zəif görənlər , nitq qüsurları olanlar , dayaq-hərəkət aparatının funksiyaları pozulanlar , əqli cəhətdən geri qalanlar ( debuillər, imbisillər ) , emosional – iradi sahədə və davranışlarında nəzərə çarpan ağır pozuntuları olanlar , psixi inkişafın ləngliyi ilə əlaqədar təlimdə çətinlik çəkənlər , mürəkkəb çatışmazlıqları olanlar .
33. Xüsusi təhsil almaq hüququnu təsbit edən sənədlər hansılardır  ?
a) xüsusi təhsil almaq hüququ psixoloji -tibbi pedaqoji komissiya, yetkinlik yaşına çatana isə tibbi-sosial ekspert komissiyası tərəfindən verilən sənədlə təsdiq olunur.
b) xüsusi təhsil almaq hüququ psixoloji -tibbi pedaqoji komissiya, dayaq-hərəkət aparatının funksiyası pozulanlara isə tibbi-sosial ekspert komissiyası tərəfindən verilən sənədlə təsdiq olunur.
c) xüsusi təhsil almaq hüququ psixoloji -tibbi pedaqoji komissiya, mürəkkəb çatışmazlıqları olanlara isə tibbi-sosial ekspert komissiyası tərəfindən verilən sənədlə təsdiq olun

Məşhur Postlar

Vacib saytlar