Auksion

Auksion

Bu üsulun köməyi ilə şagird cisim və əşyaları, hadisə və prosesləri müəyyən

etmək, biliklərini aktuallaşdırmaq, dinləmə

mədəniyyətini inkişaf etdirmək, keçmiş biliklərini xatırlamaq, təhlil qabiliyyətlərini inkişaf etdirmək kimi xüsusiyyətlərə yiyələnmiş olur.

      Bu üsulu müəllim fəal dərsin ikinci mərhələsi olan tətqiqatın aparılması mərhələsində reallaşdıra bilər.

Üsulun tətbiqi zamanı müəllim kollektivlə işdən istifadə edir. Üsulun tətbiqinə başlamazdan öncə müəllim öyrənilən məsələni müəyyən edərək şagirdləri auksionun keçirilmə qaydaları haqqında təlimatlandırır.

Öyrənilən əşya və ya hadisənin xüsusiyyətləri ardıcıl şəkildə adlandırılır. Hamı növbə ilə əşya və ya hadisə haqqında fikir söyləyir: hər bir fikirdən sonra müəllim sayır. “Bir, iki”. Bu zaman başqa iştirakçı tez təklif verə bilər.      Sonuncu təklif verən qalib sayılır. 

Fikirlər bir-birini təkrarlamamalıdır. Bunun üçün hamı bir-birini dinləyir.

Nümunə:

Riyaziyyat dərsində müəllim 7 ədədinin tərkibini keçərkən

sinfə

“7 ədədini necə aldınız? “ sualını verməklə auksion keçirir.

Müəllim üçün məlumat

Mümkün olan cavablar:

1) 6+1=7                                                                  4) 5+2=7

2) 4+3=7                                                                  5) 3+4=7

3) 2+5=7                                                                  6) 1+6=7

                                 7) 1+1+1+1+1+1+1=7

Oyunda axırıncı mümkün cavabı verən şagird “Auksion”u qazanır.Əslində bu üsulun tətbiqində məqsəd şagirdlərin qazanıb, qazanmaması deyil, məqsəd onların inkişafına yönəlib.

Proses zamanı fikirlər təkrarlanmamalıdır. Bunun üçün hamı birbirini diqqətlə dinləyir.